ທ່ານປະທານປະເທດ ສສ ຫວຽດນາມ
ປຸກລະດົມບຸນເຕັດປູກຕົ້ນໄມ້ ຫວນຄືນມູນເຊື້ອຂອງປະທານໂຮ່ຈີມິນ
ວິທະຍຸແຫ່ງຊາດ ຫວຽດນາມ ລາຍງານໃຫ້ຮູ້ໃນວັນທີ 15 ກຸມພາ 2024 ນີ້, ຢູ່ຕາແສງກິມຝູ໋ ນະຄອນ ຕວຽນກວາງ, ທ່ານ ຫວໍ
ວັນ ເຖືອງ ປະທານປະເທດ ຫວຽດນາມ ໄດ້ເຂົ້າຮ່ວມກ່າວຄຳເຫັນ ແລະ ຕີກອງພິທີປຸກລະດົມ “ບຸນເຕັດປູກຕົ້ນໄມ້ຫວນຄືນບຸນຄຸນ
ຂອງປະທານ ໂຮ່ ຈີ ມິນ ຕະຫຼອດໄປ”. ເຊິ່ງການກ່າວຄຳເຫັນຕໍ່ພິທີປຸກລະດົມ, ພ້ອມທັງໄດ້ຕີລາຄາສູງໝາກຜົນທີ່ບັນດາກະຊວງ, ຂະ
ແໜງການ, ທ້ອງຖິ່ນ, ບັນດາອົງການ, ສ່ວນບຸກຄົນບັນລຸໄດ້ໃນການປະຕິບັດໂຄງການປູກຕົ້ນໄມ້ 1 ຕື້ຕົ້ນ ແລະ ທ່ານໄດ້ເນັ້ນໜັກວ່າ:
ແຜນນະໂຍບາຍສະເໝີຕົ້ນສະເໝີປາຍຂອງປະເທດ ແມ່ນມຸ່ງໜ້າໄປເຖິງການພັດທະນາແບບຍືນຍົງ, ຕັດສິນຮັບມືກັບການປ່ຽນແປງ
ຂອງດິນຟ້າອາກາດ, ສ້າງພື້ນຖານເສດຖະກິດສີຂຽວ, ເສດຖະກິດໝູນວຽນ, ເປັນມິດກັບສິ່ງແວດລ້ອມ ແລະ ພວມປະຕິບັດເປົ້າໝາຍ
ນຳລະດັບປ່ອຍອາຍພິດລົງໃຫ້ເຫຼືອ 0 ໃນປີ 2050.
ທ່ານປະທານປະເທດ ກ່າວອີກວ່າ: ລະດູບານໃໝ່ແມ່ນລະດູແຫ່ງການອອກໜໍ່ຈໍ່ດອກ, ແມ່ນລະດູຕັ້ງຄວາມມຸ່ງຫວັງ ປູກຕົ້ນ ໄມ້
ແມ່ນການກະທຳທີດີງາມ ແລະ ມີຄວາມໝາຍ. ຕົ້ນໄມ້ແຕ່ລະຕົ້ນແມ່ນຂອງຂວັນອັນລ້ຳຄ່າຝາກເຖິງອະນາຄົດ ໃຫ້ຮຸ່ນຄົນຜູ້ສຶບທອດ,
ຕົ້ນໄມ້ຊ່ວຍເພີ່ມພະລັງຊີວິດໃຫ້ພວກເຮົາ, ດັ່ງນັ້ນ, ພວກເຮົາຕ້ອງປົກປັກຮັກສາ ແລະ ປູກຕົ້ນໄມ້ໃຫ້ ຫຼາຍຕື່ມອີກ ດ້ວຍຄວາມຮັກ,
ຄວາມຮູ້ບຸນຄຸນ. ນັ້ນແມ່ນການກະທຳປະກອບສ່ວນສ້າງສາປະເທດຊາດໃຫ້ນັບມື້ນັບສວຍສົດງົດງາມ, ສະອາດກວ່າ ແລະ ພັດທະນາ
ແບບຍືນຍົງ, ຢັ້ງຢືນ ຫວຽດນາມ ແມ່ນປະເທດມີຄວາມຮັບຜິດຊອບຕໍ່ປະຊາຄົມສາກົນ ໃນການປົກປັກຮັກສາສິ່ງແວດລ້ອມ, ຮ່ວມ
ແຮງຮ່ວມໃຈແກ້ໄຂບັນດາສິ່ງທ້າທາຍໃນທົ່ວໂລກ, ເພື່ອໜ່ວຍໂລກສີຂຽວ”.
ແຫຼ່ງທີ່ມາ: ໜັງສືພິມກອງທັບ
ວັນທີ 19/02/2024